საქართველოს საპატრიარქო დიდი მწუხარებით იუწყება, რომ დღეს, 20 ნოემბერს, ღირსი ლაზარე გალისიელის ხსენების დღეს, ღვთივგანისვენა ბორჯომისა და ბაკურიანის ეპარქიის მმართველმა, ყოვლადუსამღვდელოესმა ეპისკოპოსმა ლაზარემ (სამადბეგიშვილი).
იგი გარდაიცვალა covid-19-ით, რომელიც მძიმე ავადმყოფობებს დაერთო.
მეუფე ლაზარე დასვენებული იქნება მახათას მთაზე მდებარე ივერიის ღვთისმშობლის ხატის სახელობის ტაძარში.
კვირას, 22 ნოემბერს, 10:00 საათზე, დაიწყება წირვა, შემდეგ მოხდება წესის აგება, 15:00 სააათზე კი იგი დაიკრძალება ამავე ტაძრის მიმდებარედ.
ღმერთმა აცხონოს მისი უკვდავი სული და სავანესა მართალთასა დააწესოს.