ა.წ. 25 მაისს, ამაღლების სადღესასწაულო წირვის დასრულების შემდეგ, სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მიერ დაფუძნებულ ფონდ ,,გაამწვანე საქართველო“-ს ორგანიზებითა მახათას მთაზე მდებარე აღდგომის სახელობის მამათა მონასტრის ტერიტორიაზე გამწვანების მორიგი აქცია ჩატარდა.
ღონისძიებაში მონაწილეობა მიიღეს თბილისის N 81-ე და N 215-ე საჯარო სკოლებმა.
კიპარისების დარგვის შემდეგ მონასტრის წინამძღვარმა, არქიმანდრიტმა ნიკოლოზმა (ღვინიაშვილი) ღვთისმშობლის პარაკლისი გადაიხადა და დალოცა პედაგოგები, მოსწავლეები და მშობლები.
ფონდი ,,გაამწვანე საქართველო“ მისი უწმინდესობისა და უნეტარესობის, ილია II-ის ლოცვა-კურთხევით დაარსდა და ქვეყნის მასშტაბით აქტიურად ახორციელებს ეკლესია-მონასტრების, სასწავლებლების, საავადმყოფოების, საპატიმროებისა და სხვადასხვა დაწესებულების გამწვანებას.
მიმდინარე გაზაფხულზე ფონდის მიერ არაერთი აქტივობა განხორციელდა, რომელშიც მონაწილეობა მიიღეს სხვადასხვა სკოლის მოსწავლეებმა და მასწავლებლებმა.